Google largohet nga Kina

[You must be registered and logged in to see this image.]

Pas negociatave të pasuksesshme në mes të Google dhe qeverisë
kineze për llojet e kërkimeve të cilat duhet të censurohet, pritet që
Google të hënën përfundimisht të paralajmërojë largimin nga Kina.Sipas
të përditshmeve kineze, të cilat i transmeton portali Cnet, Google
megjithatë do të tërhiqet nga Kina. Supozohet se njoftimi zyrtar do të
vjen të hënën, e për datën e përfundimit të punës së portalit Google.cn
është caktuar 10 prilli. Vet Google deri më tani nuk ka pranuar të
komentoj këtë lajm.
Siç kemi shkruar disa herë në portalin tonë për këtë çështje, Google
në janar të këtij viti, pasi që ka zbuluar se shërbimet kineze kanë
tentuar të thyejnë identitetet e përdoruesve të Google Mail (Gmail) të
cilët angazhohen për të drejta të njeriut në Kinë, ka marrë qëndrim
dukshëm më të fortë se më herët. Si rrjedhojë, ani pse më herët kishte
pranuar dhe në mënyrë aktive kishte censuruar rezultatet e kërkimeve në
faqet e saja kineze që kishin të bëjnë me të drejtat e njeriut në këtë
vend, por edhe pornografisë e përmbajtjeve tjera, Google ka vendosur se
më nuk do të bëj këtë, edhe në qoftë se kjo do të nënkupton mbylljen e
zyrës së saj atje.
Supozohet se Google ka ofruar dhe në të njëjtën kohë ka pranuar të
bllokojë rezultatet pornografike dhe atyre të bixhozit nga kërkimet e
saj, por jo edhe ato që kanë të bëjnë me të drejtat e njeriut, por kjo
gjë ka qenë e papranuar për autoritetet kineze. Po ashtu, autoritetet
kineze edhe më tutje këmbëngulin se nuk kanë pasur asnjë lloj lidhjeje
me tentimet për të hyrë në llogaritë e përdoruesve në Gmail.